Ikastetxeko Historia

 

1968

Centro Tecnico Laboral izena hartu zuen azaroan Eibarren sortu zen Ikastetxe berriak. Bere lehenengo urteetan Ikastetxe berriak Ingenieritza Tekniko Industriala eta Batxilergo Tekniko Laborala eskaintzen zituen bere ikasketen esparruan.

1970-1980

1971 -1972

Ikasketa plan berriaren ezarpenarekin BBB eta UBIko lehen ikasleak heldu ziren.

1973 -1974

Lanbide Heziketako Bigarren Mailako ikasketak  eskaintzen dira,  Elektronika eta Administrazio adarretan.

1974 -1975

LHII-ko ikasketekin batera, Lanbide Heziketako Lehen Mailako ikasketeei hasiera ematen zaie lehen aipatutako adar biotan.  Gaueko ikasketak ere urte honetan hasten dira ematen: Eskola Graduatua, LH Administratiboa eta LHI-etik LH- IIra igarotzeko kurtsoa. Azken hau hurrengo ikasturtean desagertu egingo da, eta gerora baita Eskola Graduatua ere. LHI, aldiz, osatua izango da LHII-ko hiru kurtsoekin

1977 -1978

LHII-ko ikasketek beste adar berri bat ezagutuko dute, Ehungintza-makinena, Estatu mailan bakarra izango dena.

1980-1990

1980

Abenduaren 30eko Estatuko Aldizkari Ofizialean  Estatuak irakaskuntza alorrari dagozkion eskumenak Euskal Autonomi Erkidegoaren eskuetan uzten dituela argitaratzen da. Bertan, Irakaskuntza Bateratuen eskualdatzea ere azaltzen da.

1981

Abuztuaren 8an, Irakaskuntza Bateratuen  Ikastetxeak  ikastetxe publiko bihurtzen dira.

1985

 

Uztailean, Eibarko Irakaskuntza Bateratuen Ikastetxearen langileria eta ondasunen eskualdatzea erabakitzen da

1987

Eibarko Irakaskuntza Bateratuen Ikastetxea, Hezkuntza, Unibertsitate eta Ikerketa Saileko  dekretuaren bitartez,Eibarko Hezkuntza Esparrua bihurtzen da, honela osaturik egongo delarik:

  • Irakaskuntza Ertainetako Ikastetxe Bateratua eta  HHE.
  • Industria Ingenieritza Teknikoko Unibertsitate Eskola.
  • Gerentzia.
  • Egoitza Zentrua, zenbait kolegiotan antolatua.

1989

Industria Ingenieritza Teknikoko Unibertsitate Eskolak Euskal Herriko Unibertsitatearekin bat egiten du, eta Eibarko Hezkuntza Esparruaren zati izateari uzten dio. HSAOL-aren ezarpenarekin batera, ikastetxeak IES UNI BHI izena hartzen du, eta honako ikasketak ematen dira: Giza eta Gizarte Zientzien modalidadeko batxilergoa, Natura eta Osasun Zientzietakoa eta Teknologikoa. Berariazko Lanbide Heziketa berriko Lanbide Arlo hauek ere ematen hasiko dira:  Administrazioa, Merkataritza eta Marketina, Kirol jarduerak, Elektrizitate eta Elektronika eta Informatika.

1990-2002

1994 -1995

Ermuko Institutoa sortzean, ikastetxeak  izen berria hartzen du: IES UNI EIBAR-ERMUA BHI.

2002

164/2002 Unibertsitate eta Ikerketa Sailaren Dekretuaren bitartez, Eibarko Egoitza Zentrua sortzen da, horrela  Eibarko Hezkuntza Esparruaren egitura eta antolaketa administratiboa zehaztuz, honela geratu zelarik:

  • Uni Eibar-Ermua Bigarren Hezkuntzako Institutua.
  • Eibarko Egoitza Zentrua.

Gure ikasgeletatik urterik urte Mallabiatik Mutrikura bitartean, Deba, Elgoibar, Elgeta, Soraluze, Eibar eta, batez ere, Ermuko belaunaldi ezberdinetako gaztetxoak pasatu izan dira, ikasketak egin bitartean gizon-emakume bihurtu direlarik.
Gure helburua beti izan eta izango da berbera, alegia, gure ikasle guztien heziketa osoa, etorkizunean hiritar askeak, eraikitzaileak, kritikoak, solidarioak izan daitezen; laburki adieraziz: duten onena ematen ikas dezaten.

Gure ikasle askok bikain bukatu dituzte unibertsitate-ikasketak, beste batzuek, aldiz, lan mundua aukeratu izan dute, baina denek, gerora berriro ikustean, harro sentiarazi gaituzte. Hortaz, gure omenaldi xume baina benetakoa lerro hauen bitartez, eta baita bere familiei eta gurekin une txar eta onetan egon diren guztiei ere, gure izatearen eta bizitzaren zergatia baitira.

Horregatik ere, gure ikasleei kalitatezko irakaskuntza ematen jarraitzeko gure ahalegin guztiak egingo ditugu, etorkizunean beraiek ere harro senti daitezen gure ikastetxean ikasi izanagatik. Inork inoiz ezin dezala esan gure gazteak ahantzi ditugula, Deba Barrenaren etorkizuna hobea izan dadin.

Bestalde, gure lanaren jardunean zehar gure bizitzan sartzen joan zaretenoi, gure esker ona adierazi nahi dizuegu "UNI"ko irakasleok eta beste langile guztiek.

Ikastaroak

Aurtengo ikastaroak prest

facebook